காசி-தமிழ் சங்கமம் இந்தியாவின் கலாச்சார பாலம்

காசி தமிழ் சங்கமம் குறித்து பத்திரிக்கையாளர் சத்தியபிரகாஷ் எழுதியுள்ள கட்டுரை வருமாறு: 

உத்தரபிரதேசத்தின் ஆன்மீக இதயப்பகுதியில் நடைபெறும் காசி - தமிழ் சங்கமம் காசி மற்றும் தமிழ்நாட்டிற்கு இடையிலான  உணர்வுகள் மற்றும் ஆக்கப்பூர்வமான உறவுகளை ஊக்குவிக்கிறது. பிரதமர் மோடியால் இது தேசியமயமாக்கப்பட்டது. திருக்குறள், மணிமகலை மற்றும் பிற சிறந்த தமிழ் இலக்கியங்களின் பன்முகத்தன்மை  வடக்கு மற்றும் தெற்கின் தூரத்தை குறைக்க உதவுகிறது. இந்த சங்கமம் இரண்டு மிக முக்கியமான மற்றும் பண்டைய கல்வித் தலைநகர்களுக்கு இடையே பல நூற்றாண்டுகளாக உள்ள பழைய உறவாகும்.

இந்தியா  ஆன்மிக நம்பிக்கைகளின் அடிப்படையில் ஒரு தேசமாக கட்டமைக்கப்பட்டது. ஆதி சங்கராச்சாரியார், ராமானுஜர் போன்ற மகான்களால்  ஒருங்கிணைக்கப்பட்டது. இவற்றின் காரணமாகவே இந்தியா ஒரு தேசமாக நிரந்தரமாகவும் உறுதியாகவும் இருக்கிறது. தமிழகத்தில் இருந்து ஏராளமான மக்கள், மாணவர்கள், இளைஞர்கள் காசி, பிரயாக், அயோத்தி மற்றும் பிற யாத்திரை தலங்களுக்கு சென்று வருகின்றனர். மகாதேவருடன் சேர்ந்து ராமேஸ்வரத்தை நிறுவிய ராமரை அயோத்தியில் தரிசனம் செய்வது தெய்வீகமானது. காசி தமிழ் சங்கமம் மூலம் இந்த பழமையான பாரம்பரியத்தின் மீது நாட்டு இளைஞர்களிடையே ஈடுபாடு அதிகரித்துள்ளது. தமிழகத்தில் இருந்து ஏராளமான பொதுமக்கள், இளைஞர்கள் காசிக்கு வருகின்றனர். இங்கிருந்து பிரயாக், அயோத்தி மற்றும் பிற யாத்திரைகளுக்கும் செல்கிரார்கள். ஒருவருக்கொருவர் கலாச்சாரத்தை அறிந்து கொள்ள வேண்டிய அவசியம் உள்ளது. இது நம்பிக்கையை அதிகரிக்கிறது மற்றும் உறவுகளை வளர்க்கிறது.

காசி-தமிழ் சங்கமம் இந்தியாவின் பாரம்பரியத்தை வலுப்படுத்தவும், ஏக் பாரத்-ஷ்ரேஷ்ட பாரதத்தின் உணர்வை வலுப்படுத்தவும் தொடரும். தமிழக மக்களுக்கும் காசிக்கும் இடையே உள்ள அன்பும் உறவும் தனித்தன்மை வாய்ந்தது.

இந்தியாவின் இந்த பன்முகத்தன்மை அந்த ஆன்மீக உணர்வில் வேரூன்றியுள்ளது. தமிழில் - 'நீரெல்லாம் கங்கை, நிலமெல்லாம் காசி என்ற வாசகம் உள்ளது. இந்த வாக்கியம் பாண்டிய மன்னன் பராக்கிரம பாண்டியனுடையது. தண்ணீரின் ஒவ்வொரு துளியும் கங்கை நீர். இந்தியாவின் ஒவ்வொரு நிலமும் காசி என்பது இதன் பொருள். நமது நம்பிக்கையின் மையமான காசி, வடக்கிலிருந்து வந்த படையெடுப்பாளர்களால் தாக்கப்பட்டபோது, காசியை அழிக்க முடியாது என்று கூறி தென்காசியிலும், சிவகாசியிலும் கோவில்களைக் கட்டி வைத்தார், மன்னர் பராக்கிரம பாண்டியன்.