மதுரையை தலைமையிடமாகக் கொண்ட கொண்ட பெர்குளோரேட்டுகள் தயாரிப்பில் முன்னணி தனியார் உற்பத்தியாளரான பாண்டியன் கெமிக்கல்ஸ் லிமிடெட் (PCL) ஆனது, சென்னைக்கு அருகிலுள்ள தேர்வாய் கண்டிகையில் உள்ள SIPCOT தொழில்துறை எஸ்டேட்டில் அதன் மூன்றாவது பெர்குளோரேட் உற்பத்தி ஆலையைத் திறப்பதாக இன்று அறிவித்தது.
தமிழ்நாடு தொழில்துறை மேம்பாட்டுக் கழகத்துடன் (TIDCO) கூட்டு நிறுவனமாக முன்னர் அறியப்பட்ட PCL ஆனது, தீப்பெட்டித் தொழிலுக்கு தேவையான முக்கிய மூலப்பொருளான பொட்டாசியம் குளோரேட் உற்பத்தியில் இந்தியாவின் மிகப்பெரிய உற்பத்தியாளராகும். மேலும் பாதுகாப்பு ஏவுகணைகளுக்கான திட எரிபொருள் மோட்டார்கள் தயாரிப்பில் பயன்படுத்தப்படும் ஒரு முக்கிய மூலப்பொருளான அம்மோனியம் பெர்க்ளோரேட் (APC) உட்பட பல்வேறு வகையான பெர்க்ளோரேட்டுகளையும் உற்பத்தி செய்துவருகிறது.
உள்நாட்டு மற்றும் சர்வதேச அளவில் APC-க்கான அதிகரித்து வரும் தேவையைப் பூர்த்தி செய்வதற்காக PCL நிறுவனமானது ₹48 கோடி முதலீட்டில் இந்தப் புதிய ஆலையை நிறுவியுள்ளது. இந்த ஆலை மாதத்திற்கு 40 மெட்ரிக் டன் உற்பத்தித் திறனை வெளிப்படுத்தும். மேலும் எதிர்காலத்தில் உற்பத்தித் திறனை இரட்டிப்பாக்கும் ஆற்றலைக் கொண்டுள்ளது குறிப்பிடத்தக்கது.
இந்தப் புதிய ஆலை HEMRL இன் விஞ்ஞானியும் இயக்குநருமான டாக்டர் அனில் பிரசாத் தாஷ் மற்றும் ஜக்தல்பூரில் உள்ள SFC இன் விஞ்ஞானியும் பொது மேலாளருமான டாக்டர் எம்.வி.எல். ரமேஷ் ஆகியோர் திறந்து வைத்தனர்.
பாண்டியன் கெமிக்கல்ஸ் லிமிடெட் செய்தித் தொடர்பாளர் கூறுகையில், "தேர்வாய் கண்டிகையில் எங்கள் புதிய தொழிற்சாலை தொடங்கப்பட்டது, PCL இன் வளர்ச்சிப் பயணத்தில் ஒரு முக்கியமான மைல்கல் சாதனையாகும். இந்த விரிவாக்கம் எங்கள் உற்பத்தித் திறன்களை வலுப்படுத்துவது மட்டுமல்லாமல், இந்தியாவின் பாதுகாப்புத் தன்னிறைவை முன்னேற்றுவதற்கான எங்கள் உறுதிப்பாட்டுக்கான சான்றாகும். மேம்படுத்தப்பட்ட திறன் மற்றும் அதிநவீன தொழில்நுட்பத்துடன், உயர்தர பெர்க்ளோரேட் தயாரிப்புகளுடன் அனைத்து சந்தைகளுக்கும் சேவை செய்ய நாங்கள் தயாராக உள்ளோம்” என்றார்.
பெர்குளோரேட் உற்பத்தியில் பல தசாப்த கால நிபுணத்துவத்துடன், PCL மேம்பட்ட சர்வதேச சந்தைகளுக்கு ஏற்றுமதி செய்யத் தொடங்கியுள்ளது. நம்பகமான மற்றும் உலகளவில் போட்டித்தன்மை வாய்ந்த சப்ளையர் என்ற தனது நிலையை வலுப்படுத்துகிறது. புதிய ஆலை இந்த ஏற்றுமதி முயற்சிகளை மேலும் அதிகரிக்கும் என்று எதிர்பார்க்கப்படுகிறது.
PCL இன் விளம்பரதாரரான MEPCO ஆனது, நாட்டின் மிகப்பெரிய இரும்பு அல்லாத உலோகப் பொடிகளை உற்பத்தி செய்யும் நிறுவனமாகவும், திட எரிபொருள் மோட்டார் உற்பத்தியில் மற்றொரு அத்தியாவசிய மூலப்பொருளான சிறப்பு அலுமினியப் பொடிகளின் முக்கிய சப்ளையராகவும் உள்ளது. MEPCO மற்றும் PCL ஆகியவை இணைந்து, இந்தியாவின் பாதுகாப்பு மற்றும் வணிகரீதியான துறைகளுக்கு தங்கள் பங்களிப்பில் பெருமை கொள்கின்றன. நாட்டின் தொழில்நுட்ப சிறப்பையும் தன்னிறைவையும் ஆதரித்துவருகின்றன என்பது சிறப்புக்குரியது.
0 கருத்துகள்