மலபார் கோல்ட் அண்ட் டைமண்ட்ஸ் 'பசியில்லா உலகம்' திட்டம் உலகளவில் விரிவாக்கம்

உலகின் ஐந்தாவது பெரிய நகை சில்லறை விற்பனை நிறுவனம் மற்றும் இந்தியாவின் முதன்மை பெருநிறுவன சமூக பொறுப்பு முன்மாதிரிகளில் ஒன்றாகவும் விளங்குகிற மலபார் கோல்ட் அண்ட் டைமண்ட்ஸ்,  இப்போது, அதன் முதன்மை முயற்சியான 'பசியில்லா உலகம்' திட்டத்தை எத்தியோப்பியாவுக்கு விரிவுபடுத்தியுள்ளதை இன்று அறிவித்தது. இந்தியா மற்றும் சாம்பியா ஆகிய நாடுகளில் மாற்றத்தை ஏற்படுத்திய அதன் வெற்றியைத் தொடர்ந்து, இந்த முயற்சி இப்போது ஆப்பிரிக்ககண்டத்தில் அதன் அடுத்த வளர்ச்சிக்கட்டத்திற்குள் நகர்ந்துள்ளது.  

இந்தியா்களின் கருணை மற்றும் கூட்டு வளா்ச்சியின் அறநெறியில் வேரூன்றிய, பசி இல்லாத உலகம் என்ற இந்த மாதிரி, இந்திய நிறுவனங்கள் எவ்வாறு உள்நாட்டு வெற்றியில் இருந்து உலகளாவிய தாக்கத்தை உருவாக்க முடியும் என்பதைக் குறிக்கிறது. மலபார் நிறுவனம் அதன் நிகர லாபத்தில் 5%-க்கும் அதிகமாக, இந்தியாவில் கட்டாயமாக்கப்பட்ட CSR ஒதுக்கீட்டை விட இருமடங்கிற்கும் அதிகமாக, தொடர்ந்து முதலீடு செய்வதன் மூலம், பெருநிறுவன சமூகப் பொறுப்பின் (CSR) அளவையும், நேர்மையையும் மறுவரையறை செய்கிறது. இது, பசி மற்றும் கல்வி சமத்துவமின்மைக்கு எதிரான ஒரு உலகளாவிய இயக்கமாக,  அதன் நிரூபிக்கப்பட்ட  இந்தியா அடிப்படையிலான கட்டமைப்பை மாற்றுகிறது.

துபாய் கோல்ட் சவுக் இல் உள்ள மலபார் இன்டர்நேஷனல் ஹப் இல் நடைபெற்ற ஒரு நிகழ்வில் இந்த அறிவிப்பு வெளியிடப்பட்டது, மலபார் குழுமத்தின் துணைத் தலைவர் திரு. அப்துல் சலாம் K.P., துபாயில் உள்ள எத்தியோப்பியாவின் தூதர் மேன்மை தாங்கிய அஸ்மெலாஷ் பெக்கலே அவர்களிடம் அதிகாரப்பூர்வமாக விருப்பக் கடிதத்தை வழங்கினார். இந்த விழாவில் மலபார் கோல்ட் & டயமண்ட்ஸ் நிர்வாகக் குழுவின் மூத்த உறுப்பினர்கள் கலந்து கொண்டனர். 

இந்த பசியில்லா உலகம் திட்டம் மலபார் கோல்ட் & டயமண்ட்ஸ் நிறுவனத்தின் மிகவும் தாக்கத்தை ஏற்படுத்தும் ESG (சுற்றுச்சூழல், சமூக மற்றும் ஆளுகை) முயற்சிகளில் ஒன்றாகும். தற்போது உலகளவில் 119 இடங்களில் தினமும் 115,000 க்கும் மேற்பட்டவர்களுக்கான உணவை  இத்திட்டம்  வழங்கி வருகிறது. மே 2024 முதல் மூன்று பள்ளிகளில் 900,000 க்கும் மேற்பட்ட உணவுகளை வழங்கிய சாம்பியாவில் இத்திட்டம் கண்ட வெற்றிக்கு அடுத்தப்படியாக, இப்போது எத்தியோப்பியாவிலும் இத்திட்டம் விரிவாக்கப்பட்டுள்ளது.

"பசி இல்லாத உலகம்  திட்டம், மலபார் குடும்பத்தால் வழிநடத்தப்பட்ட மிகவும் அர்த்தமுள்ள ESG ( சுற்றுச்சூழல், சமூக மற்றும் ஆளுகை ) முன் முயற்சிகளாக இருந்து வருகிறது. ஒரு பொறுப்பான நகை நிறுவனமாக, நாங்கள் பணியாற்றும் சமூகங்களுக்கான எங்களின் உறுதிப்பாடு, வணிகத்தை விட அதிகமானது. இந்த திட்டத்தின் மூலம் நேர்மறையான விளைவை ஏற்படுத்திய லட்சக்கணக்கான வாழ்க்கைகள், நிலையான மற்றும் அனைவரையும் உள்ளடக்கிய வளர்ச்சிக்கான எங்கள் தொலைநோக்கிற்கு ஒரு சான்றாக நிற்கின்றன. எத்தியோப்பியா அரசாங்கத்துடன் இணைவதன் மூலம், 2026 ஆம் ஆண்டின் இறுதிக்குள், 10,000 குழந்தைகளுக்கு தினசரி உணவு வழங்குவது மற்றும் கல்வி சிறப்பை ஊக்குவிக்கும் வகையில் அடிப்படை வசதிகள் அபிவிருத்தி செய்வது ஆகியவற்றுக்கான ஒரு இலக்குடன் அடுத்த இரண்டு ஆண்டுகளில் 8,64,000 அமெரிக்க டாலர்களுக்கும் அதிகமாக நாங்கள் முதலீடு செய்ய உள்ளோம்."என்று மலபார் குழுமத்தின் தலைவர் திரு. எம்.பி. அஹம்மத் அவர்கள் கருத்து தெரிவித்துள்ளார்.

"எங்கள் நிறுவனம் தொடங்கப்பட்டதிலிருந்து, சமூக மேம்பாடு ஆனது எங்கள் நிறுவனத்தின் ஒரு ஒருங்கிணைந்த பகுதியாக இருந்து வருகிறது. பசியில்லா உலகம் முன்முயற்சியின் மூலம், தினசரி ஊட்டச்சத்துக்கான அணுகல் தனிநபர்களின் வாழ்க்கையை மட்டுமல்லாமல், முழு சமூகங்களையும் எவ்வாறு மாற்றும் என்பதை நாங்கள் கண்டோம். இந்த திட்டத்தை எத்தியோப்பியாவுக்கு விரிவுபடுத்துவது, உலகளவில் பசியை ஒழித்தல் மற்றும் கல்வி சமத்துவத்தை ஊக்குவித்தல் ஆகிய எங்கள் இலக்கை நோக்கிய மற்றொரு படியாக இருக்கிறது. மிகவும் தேவைப்படும் குழந்தைகள் மற்றும் குடும்பங்களின்  வாழ்க்கைகளில் ஒரு  அளவிடக்கூடிய, நீடித்த  மாற்றத்தை ஏற்படுத்த நாங்கள் உறுதிபூண்டுள்ளோம்,” என்று மலபார் குழுமத்தின் துணைத் தலைவர் திரு. அப்துல் சலாம் K.P. கருத்து தெரிவித்தார்.

இந்த பசியில்லாத உலகம் திட்டத்தின் விரிவாக்கம் ஐக்கிய நாடுகளின் நிலையான வளர்ச்சி இலக்குகளுடன் (United Nations Sustainable Development Goals (SDGs), குறிப்பாக பசியே இல்லாத, தரமான கல்வி, பாலின சமத்துவம் மற்றும் இலக்குகளுக்கான கூட்டாண்மைகளுடன் ஒத்துப்போகிறது. எத்தியோப்பியாவில் உள்ள இந்த திட்டம் பெற்றோர்கள், ஆசிரியர்கள் மற்றும் உள்ளூர் அதிகாரிகளை ஈடுபடுத்துகின்ற வகையில் சமூகத்தை மையமாகக் கொண்ட அணுகுமுறையை மேற்கொள்ளும், மேலும் வேலைவாய்ப்பை உருவாக்குவதற்கும் உள்ளூர் உரிமையை உறுதி செய்வதற்கும், உள்ளூர் பள்ளிகள், சப்ளையர்கள் மற்றும் பங்குதாரர்களுடன் கூட்டு சேர்கின்றது.

"இந்த பசியில்லா உலகம் முன்முயற்சியை எத்தியோப்பியாவில் விரிவுபடுத்துவது,  ஊட்டச் சத்துள்ள உணவு மற்றும் தரமான கல்வி ஆகியவற்றிற்கான அணுகல், அவர்களின் சமூக-பொருளாதார பின்னணியைப் பொருட்படுத்தாது, அனைத்து குழந்தைகளின் சிறந்த எதிர்காலத்தின் அடித்தளம் என்பதில் உள்ள எங்கள் அசைக்கமுடியாத நம்பிக்கையால் உந்தப்படுகிறது. இந்த திட்டத்தின் தொடக்க கட்டத்தில், ஓரோமியா பிராந்தியத்தில் அமைந்துள்ள அடாமா நகரத்தில் உள்ள சுமார் 11,000 குழந்தைகளைக் கொண்டுள்ள 5 பள்ளிகளுடன் நாங்கள் இணைந்து பணியாற்றுவோம். பள்ளி உணவுத் திட்டத்திற்கு கூடுதலாக, எத்தியோப்பியாவில் எங்கள் முயற்சிகள், உதவித்தொகைகள், வழிகாட்டுதல் திட்டங்கள், டிஜிட்டல் அறிவுத்திறன், நூலக வளர்ச்சி போன்றவற்றையும் உள்ளடக்கும். எத்தியோப்பிய அரசாங்கத்தின் விலைமதிப்பற்ற ஆதரவுடன், இந்த பணி முழுமையான வளர்ச்சி மற்றும் நிலையான தாக்கம் ஆகியவற்றுக்கான எங்கள் உறுதிப்பாட்டைப் பிரதிபலிக்கிறது." என்று மலபார் கோல்ட் & டயமண்ட்ஸ் நிறுவனத்தின் சர்வதேச செயல்பாடுகள் மேலாண்மை இயக்குநர் திரு. ஷாம்லால் அகமது கருத்து தெரிவித்தார்.

1993 ஆம் ஆண்டு தொடங்கப்பட்டதிலிருந்து மலபார் குழுமத்தின் முதன்மையான உறுதிப்பாடாக ESG (சுற்றுச்சூழல், சமூகம் மற்றும்  ஆளுகை) முயற்சிகள் இருந்து வருகின்றன. இந்த நிறுவனம் செயல்படும் ஒவ்வொரு நாட்டிலும் இந்த உறுதிப்பாட்டை இது நிரூபிக்கிறது. சுகாதாரம், பசியற்ற உலகம், வீட்டுவசதி, கல்வி, பெண்கள் அதிகாரமளித்தல் மற்றும் சுற்றுச்சூழல் ஆகிய துறைகளில் இந்த முக்கிய கவனம் செலுத்தப்படுகிறது. சமூக உணர்வுள்ள மற்றும் பொறுப்பான அமைப்பாக இருக்க மலபார் குழுமத்தின் ESG இலக்குகள் அவ்வப்போது வலுப்படுத்தப்படுகின்றன.