பனாமாவில் நடைபெற்ற தேர்தலில் இப்கோ தலைவர் திலீப் சங்ஹானி, சர்வதேச கூட்டுறவு கூட்டமைப்பின் உலகளாவிய நிர்வாகக் குழு இயக்குநராகத் தேர்வு

சர்வதேச கூட்டுறவு இயக்கத்தில் இந்தியாவிற்கு கிடைத்துள்ள முக்கியமான உலகளாவிய அங்கீகாரமாக இத்தேர்தல் அமைந்துள்ளது.

திலீப் சங்ஹானியின் வெற்றி, இந்திய கூட்டுறவு இயக்கத்திற்கு மேலும் ஒரு பெருமையைச் சேர்த்துள்ளது. வெற்றி அறிவிக்கப்பட்டதும், பனாமாவில் கலந்து கொண்ட இந்திய பிரதிநிதிகள் “பாரத் மாதா கி ஜெய்” மற்றும் “வந்தே மாதரம்” என முழக்கமிட்டனர். வெளிநாட்டு மண்ணில் ஒலித்த இம்முழக்கங்கள், உலகளாவிய கூட்டுறவுத் தளத்தில் இந்தியாவின் வளர்ந்து வரும் பங்களிப்பை வெளிப்படுத்தின.

பனாமா நகரில் நடைபெற்ற சர்வதேச கூட்டுறவு கூட்டமைப்பின் பொதுக்குழுக் கூட்டத்தின்போது இத்தேர்தல் நடைபெற்றது.இந்தத் தேர்வு, உலகளாவிய கூட்டுறவுத் துறையில் இந்தியாவின் பிரதிநிதித்துவத்தையும் தலைமைத்துவத்தையும் மேலும் வலுப்படுத்துகிறது. திரு. திலீப் சங்ஹானி அவர்கள் பல தசாப்தங்களாக கூட்டுறவுத் துறையில் சிறப்பாகப் பணியாற்றி வருகிறார். விவசாயிகள் மேம்பாடு, கிராமப்புறப் பொருளாதாரம் மற்றும் கூட்டுறவு நிறுவனங்களின் முன்னேற்றத்திற்காக அவர் தொடர்ந்து செயல்பட்டு வருகிறார்.தற்போது அவர் இப்கோ மற்றும் குஜராத் மாநில கூட்டுறவு சந்தைப்படுத்தல் கூட்டமைப்பின் தலைவராகப் பொறுப்பு வகித்து வருகிறார்.

சர்வதேச கூட்டுறவு கூட்டமைப்பு, உலகம் முழுவதும் உள்ள கூட்டுறவு நிறுவனங்களைப் பிரதிநிதித்துவப்படுத்தும் முன்னணி அமைப்பாகும்.அதன் உலகளாவிய நிர்வாகக் குழுவில் இந்தியாவின் பிரதிநிதித்துவம் கிடைத்திருப்பது, இந்திய கூட்டுறவு இயக்கத்தின் குரலை மேலும் வலுப்படுத்தும்.

உலகளாவிய தளத்தில் இந்திய கூட்டுறவு இயக்கத்தின் அனுபவம், பார்வை மற்றும் பங்களிப்பை எடுத்துரைக்க உறுதிபூண்டுள்ளதாக திலீப் சங்ஹானி தெரிவித்துள்ளார்.

திலீப் சங்ஹானியின் இந்தத் தேர்வு, இந்தியாவிற்கும் இந்திய கூட்டுறவு இயக்கத்திற்கும் பெருமை சேர்க்கும் முக்கியமான நிகழ்வாக அமைந்துள்ளது.