உலகின் சிறந்த பங்குகள் தரவரிசையில் டிவிஎஸ் மோட்டார் முதலிடம்

டிவிஎஸ் வேணுவின் ஒரு அங்கமான டிவிஎஸ் மோட்டார் நிறுவனம், ஜெர்மனியின் முன்னணி வணிக வார இதழான ’விர்சாப்ட்ஸ்வொகெ’ பிரத்தியேகமாக வெளியிட்ட 'உலகின் சிறந்த பங்குகள்' வருடாந்திர தரவரிசையில், 'நீடித்து உழைக்கும் நுகர்வோர் சாதனங்கள்' பிரிவில் உலகளவில் முதலிடத்தைப் பிடித்துள்ளது. பாஸ்டன் கன்சல்டிங் குரூப் அமைப்பின் 'மதிப்பு உருவாக்கும் வணிக நிறுவனங்கள்' பகுப்பாய்வின் அடிப்படையில் இந்தத் தரவரிசை வெளியிடப்பட்டுள்ளது.

1926-ம் ஆண்டில் தொடங்கப்பட்டு, இந்த ஆண்டு தனது நூற்றாண்டு விழாவைக் கொண்டாடும் ‘விர்சாப்ட்ஸ்வொகெ’ இதழ், ஜெர்மனியின் மிகப்பெரிய வாராந்திர வணிக இதழாகும். இது ஜெர்மனி, ஆஸ்திரியா மற்றும் சுவிட்சர்லாந்து ஆகிய நாடுகளில் உள்ள வணிக நிறுவனங்களின் மூத்த நிர்வாகிகள், நிறுவன முதலீட்டாளர்கள் மற்றும் பெருநிறுவனங்களில் முக்கிய முடிவுகளை எடுக்கும் தலைமை நிர்வாகிகளால்  பரவலாகப் படிக்கப்படுகிறது. இதன் வருடாந்திர 'உலகின் சிறந்த பங்குகள்' பகுப்பாய்வு, ஜெர்மன் மொழி பேசும் பிராந்தியத்தில் பட்டியலிடப்பட்ட நிறுவனங்களின் மிகவும் பரவலாகக் குறிப்பிடப்படும் தரவரிசைகளில் ஒன்றாக முக்கியத்துவம் பெற்றுள்ளது.

தனிப்பட்ட முறையில் மேற்கொள்ளப்பட்ட இந்த சுயாதீன ஆய்வு, உலகளவில் 35 தொழில்துறைகளைச் சேர்ந்த 2,000-க்கும் மேற்பட்ட பட்டியலிடப்பட்ட நிறுவனங்களை மதிப்பீடு செய்தது. 2021 முதல் 2025 வரையிலான ஐந்தாண்டு காலத்தில், டிவிஎஸ் மோட்டார் நிறுவனம் தோராயமாக  ஆண்டுக்கு சுமார் 51 சதவிகித மொத்த பங்குதாரர் வருமானத்தை வழங்கியுள்ளது. இது அதன் உலகளாவிய பிரிவில் குறிப்பிடத்தக்க வகையில் மிக உயர்ந்த அளவீடாகும்; மேலும் ஜப்பான், சீனா, அமெரிக்கா மற்றும் இந்தியாவைச் சேர்ந்த முன்னணி நிறுவனங்களை விடவும் இது மிக அதிகம் என்பது குறிப்பிடத்தக்கது.

இந்தப் பகுப்பாய்வின்படி, டிவிஎஸ் மோட்டாரின் இந்தச் சாதனைக்கு முதன்மையான காரணங்களான அதன் வலுவான வருவாய் வளர்ச்சி (22 சதவீத புள்ளிகள்) மற்றும் பிரீமியம் சந்தை மதிப்பு (18 சதவீத புள்ளிகள்) ஆகியவை பெரும் உந்துசக்தியாக இருந்தன; அத்துடன் மேம்பட்ட லாபத்தன்மை மற்றும் இருப்புநிலைக் குறிப்பின் தொடர்ச்சியான பலம் ஆகியவையும் இதற்குத் துணையாக நின்றன. குறிப்பிடத்தக்க வகையில், இந்தச் செயல்திறன் சுயவிவரமானது, நிலையற்ற சந்தை சூழ்நிலைகளைத் தாங்கக்கூடிய இருப்புக்களைக் கொண்ட - லாபகரமான, வளர்ச்சி சார்ந்த மற்றும் நிதி ஒழுங்குமுறை மிக்க வணிக நிறுவனங்களுக்காக இந்த ஆய்வு சுட்டிக்காட்டிய அளவுகோல்களுடன் மிகப் பொருத்தமான ஒன்றாக இருப்பது குறிப்பிடத்தக்கது.

டிவிஎஸ் மோட்டார் நிறுவனத்தின் முதன்மை ஆலோசகர் ப்ரொஃபஸர் சர் ரால்ஃப் ஸ்பெத் கூறுகையில், ‘விர்சாப்ட்ஸ்வொகெ’ மற்றும் பாஸ்டன் கன்சல்டிங் குரூப் அமைப்புகளின் இந்த மாபெரும் அங்கீகாரம், தலைவர் சுதர்சன் வேணுவின் தெளிவான உத்திசார் தொலைநோக்குப் பார்வையின் தொடர்ச்சியான செயல்பாட்டிற்கு கிடைத்த வெற்றியாகும். நிறுவனம் மீதான அவரது ஆர்வம், அக்கறை, மற்றும் அர்ப்பணிப்பு, சந்தைகள் மற்றும் வாடிக்கையாளர்கள் பற்றிய ஆழமான புரிதல், புதிய தொழில்நுட்பங்களை ஏற்றுக்கொள்வதில் கொண்டிருக்கும் வெளிப்படையான மனப்பான்மை மற்றும் பணியாளர்கள் மீதான அக்கறை ஆகியவை ஒன்றிணைந்து படைப்பாற்றலும் செயல்திறனும் செழிக்கக்கூடிய ஒரு மதிப்புமிக்க சூழலை உருவாக்குகின்றன. அதேநேரம், சமூகப் பொறுப்புணர்வு மீதான அவரது வலுவான அர்ப்பணிப்பும் சரிசமமாக முன்மாதிரியாக அமைந்திருக்கிறது.’’ என்றார்.

இதே மனநிலையுடன் - அதாவது ‘டிவிஎஸ் வழி’ மற்றும் மிகச்சிறந்த பெருநிறுவன தலைமையின் கீழ், டிவிஎஸ் குழுவினர் ஆண்டுதோறும் சுற்றுச்சூழல் பாதுகாப்பு மற்றும் உயரிய தயாரிப்பு தரம் ஆகியவற்றிற்கான பாராட்டுகள் உட்பட பல சர்வதேச விருதுகளை ஒவ்வொரு அண்டும் வென்று வருகின்றனர். டிவிஎஸ் என்பது உயரிய தரம் மற்றும் சுற்றுச்சூழல் பாதுகாப்பின் மீதான வலுவான அர்ப்பணிப்பின் மறுபெயராகத் திகழ்கிறது. இது அந்நிறுவன பணியாளர்களின் அபாரமான திறன்களில் வேரூன்றியிருப்பதோடு, உற்பத்தித் திறனின் வெளிப்பாட்டின் மீது  கட்டமைக்கப்பட்டுள்ளது. இதே அர்ப்பணிப்புடன் இந்நிறுவனம் தொடர்ந்து ஆற்றல் திறன்மிக்க தீர்வுகளை முன்னெடுத்து வருவதன் மூலம், மின்சார வாகனப் போக்குவரத்தில் தனது தலைமைத்துவமிக்க இடத்தை தொடர்ந்து வலுப்படுத்தி வருகிறது.